МК – НИ 027

Финалната енергетска потрошувачка претставува потрошувачка на енергија за енергетски цели на крајните потрошувачи и се пресметува како збир на енергетската потрошувачка на сите сектори и тоа: индустријата, сообраќајот, земјоделството, домаќинствата и другите сектори.

Индикаторот „Финална енергетска потрошувачка по сектори” се изразува во илјади тони еквивалент на нафта (ktoe) и во проценти како однос на финалната енергетска потрошувачка на секој сектор со финалната енергетска потрошувачка на сите сектори.

• илјади тони еквивалент на нафта (ktoe)
• проценти

Дали потрошувачката на финална енергија е  во пораст и во кој сектор таа е најголема?

Политиките во секторот енергија треба да фаворизираат мерки за рационално и ефикасно користење на енергијата, особено во домаќинствата и индустријата.

Во периодот од 2000 до 2016 година, потрошувачката на финална енергија во Република Македонија е зголеменаза 15,5%. Ако се направи споредба на енергетската потрошувачка во 2016 во однос на 2000 година се забележува дека зголемувањето на финалната потрошувачка на енергија е најголемa во секторот транспорт за 89%, додека во индустријата е намалена за 20,3%, а во домаќинствата е забележан раст од 1,7%. Во 2016 година најголем удел во Финалната енергетска потрошувачка имаат секторите транспорт со 34,9 %, домаќинствата со 24,7% и индустријата со 24,7%.

Слика 1. Потрошувачка на финална енергија по сектор

Слика 2. Удел на поедините сектори во потрошувачката на финална енергија

Опфат на податоци: excel

Извор на податоци: Државен завод за статистика, http://www.stat.gov.mk

Во периодот од 2000 до 2016 година, Финалната енергетска потрошувачка во Република Македонија е зголемена за 15,5%.

Со анализа на податоците за финална потрошувачка на енергијаможе да се забележи дека најголем пад на финалната потрошувачка во индустријата е забележан во 2016 година, а најголем раст на потрошувачка во секторот индустрија се бележи во 2007 година.

Споредено 2016 со 2000 годинаможе да се забележи дека потрошувачка на финална енергија во транспортот има постојан пораст и зголемувањето изнесува 89%, додека во домаќинствата се забележува зголемување за 1,7%

Најголем удел во Финалната енергетска потрошувачка во 2016 година имаат секторите транспорт со 34,9 %, домаќинствата со 24,7% и индустријата со 24,7%.

• Методологија за пресметка на индикаторот

Статистичка методологија за пресметка:

• Регулативата за енергетски статистики на Европскиот парламент и советот (Регулатива бр.1099/2008).
• „Energy Statistics Methodology Eurostat F4, 1998″
• Национална класификација на дејности НКД Рев.2 (”Службен весник на Република Македонија” бр. 147/2008)