Првиот заменик претседател на Влада и министер за животна средина и просторно планирање Изет Меџити оствари средба и со амбасадорката на Грција во Северна Македонија, Н.Е. Софија Филипиду.
Фокусот на разговорите беше на заштитата на животната средина и прекуграничната соработка, работи кои се од суштинско значење за одржливиот развој на регионот.
Се разговараше за Договорот за Преспа Паркот, потпишан во 2010 година и ратификуван во 2019 година, со кој се создадени важни структури за управување со Паркот, при шро заеднички беше ставот дека е неопходно да се зајакнат овие структури и да се обезбедат потребните ресурси за исполнување на целите.
Исто така, за време на средбата се разговараше иза досегашните достигнувања, предизвиците и начините за подобрување на соработката за заштита на уникатниот биодиверзитет Преспа Паркот, Дојранското Езеро и проектите во енергетската инфраструктура. Беа предложени заеднички решенија за управување со водните ресурси и намалување на прекуграничното загадување.