Заменик министерката за животна средина и просторно планирање Христина Оџаклиеска оствари средба со заменик амбасадорот на Кралството Холандија во нашата држава Н.Е. Роберт Декер.
На средбата се разговараше за тековните активности и можноста за соработка. При тоа, Оџаклиеска ја истакна важноста на улогата на општините во справувањето со проблемите во животната средина и потребата од зајакнување и поддршка за развој на капацитетите на локално ниво со цел доследно спроведување на обврските утврдени во донесените законски акти во областа на животната средина.
Се разговараше и за можностите за поддршка и идна соработка при реализација на активности за заштита на водните ресурси, заштита од поплави и управувањето со отпад во насока на подобрување на состојбите на локално ниво.
