Се расчистува коритото на река Пена

(15.08.2015г.) Екипа составена од министерот за животна средина и просторно планирање Нурхан Изаири, заменик министерот за одбрана Иљми Селами, градоначалничката на општина Тетово, Теута Арифи, претседателот на комисијата за процена на штетите, Ејуп Алини, директорот на клинички центар Тетово, Флорин Бесими, претседателот на Советот на општина Тетово, Хисен Џемаили како и други членови од координативното тело за справување со состојбите и штетите од поплавите предизвикани од обилните врнежи во Тетово и тетовскиот регион направија теренска обиколка на коритото на р. Пена во градот Тетово. При тоа, направен е увид во состојбите и активностите за расчистување на наносите од камења и друг материјал, кои реката ги донесе при неодамнешното невреме, кога се излеа од нејзиното корито.