МК – НИ 022

Индикаторот ги опишува промените во текот на времето на квалитетот на назначените водни тела за капење, во смисла на придржување кон стандардите за микробиолошките параметри (цревни ентерококи и ешерихиа коли) и физичко-хемиските параметри (минерални масла, површински-активни супстанции и феноли), воведени со Директивата на ЕУ за водата за капење (76/160/EEЗ)и Правилникот за начинот и мерките на управување со водите за капење, техничките китериуми и целите на квалитетот на водата за капење, како и начинот и постапката за информирање на јавноста за резултатите од мониторингот на водата за капење („Сл. весник на РМ“ бр.129/16), како и Уредбата за класификација на водите („Сл. весник на РМ“ бр.18/99).

Се изразуваат во форма на процент на копнени води за капење со задолжителни стандарди и нивоа од насоките за микробиолошките и физичко-хемиските параметри.

Дали квалитетот на водата за капење се подобрува?

Kвалитетот на езерската вода воглавно е на задоволително ниво на квалитет, меѓутоа постојат реки коипри своето влевање во езерата придонесуваат за влошување на квалитетот наезерската вода. Процентот на проби со несоодветен квалитет сéуште е висок (особено за физичко-хемиските параметри). Населбите околу трите природни езера се едни од ретките што поседуваат постројки за пречистување на отпадните води во земјата.

Треба да се продолжи усогласувањето на националното законодавство и стандардите во оваа област со Директивата на ЕУ за водата за капење.

График 1. Квалитет на водата за капење – езера

График 2. Квалитет на водата за капење – вештачки езера

Опфат на податоци: excel

Извор на податоци: Институт за јавно здравје на Република Северна Македонија

Најголем процент од водните површини во земјата отпаѓа на природните езера, чиешто крајбрежје се користи за рекреативни цели. Квалитетот на водите во овие езера е загрозен со испуштање на отпадни води, со неконтролираното користење на езерските води за земјоделски и за туристички цели, како и од временските услови. Во РепубликаСеверна Македонија покрај природните езера има и вештачки езера – водни акумулации, кои покрај тоа што се користат за рекреативни цели се користат и за економски цели.

Проблемите поврзани со заштитата на квалитетот на водата за капење во езерата се тесно поврзани со реализацијата на еден од највисоките приоритети во заштитата на животната средина во земјата – изградба на соодветни системи за пречистување на отпадни води.

Како меѓународни води, водите на најголемите природни езера – Охридското и Преспанското, исто така, се предмет на билатерални и трилатерални договори меѓу Република Северна Македонија, Република Албанија и Република Грција.

• Методологија за пресметка на индикаторот

Стандардна методологија на земање мостри – годишни податоци.