Последната, од трите, консултативни средба со фокусирани целни групи, која се одржа денес беше наменета за претставниците на бизнис заедницата како засегната страната од прогласувањето на Шар Планина за национален парк. Низ конструктивна дискусија се разменија мислења и информации од двете страни, се укажа на концептот и областите кои ги уредува Нацрт законот за прогласување на дел од Шар Планина за национален парк и активностите кои ќе бидат предмет на дефинирање во Планот за управување со НП Шар Планина кој ќе се изработува во наредниот период.
