Прекин со напојување со електрична енергија на мониторинг станицата во Гостивар

Министерството за животна средина и просторно планирање информира дека високите вредности на PM₁₀ суспендираните честички во времетраење од еден час, кои пред кратко време се појавија на Автоматската мониторинг станица за квалитет на амбиентен воздух во Гостивар, (во периодот од 12:20 до 12:30 часот на ден 24.11.2020 година) се резултат на стабилизација на мерниот инструмент по настанат прекин со напојување со електрична енергија. При тоа, настанат е прекин во мерењата на сите параметри за квалитет на воздух вклучувајќи ги и мерењата на концентрацијата на PM₁₀ честичките. По доаѓањето на електричната енергија мерните инструменти се рестартирани, а појавените високи вредности на измерени концентрации на суспендираните PM₁₀ честички се случија поради процесот на стабилизација на инструментот по неговото повторно ставање во функција и се невалидни.