Me këtë u konfirmua partneriteti dhe korniza e bashkëpunimit të përbashkët për planifikim, organizim dhe zbatimin e punëve dhe aktiviteteve për promovimin e mbrojtjes së biodiversitetit jashtëzakonisht të pasur dhe karakteristikave të ndryshme klimatike, topografike dhe gjeologjike të zones së mbrojtur të Mavrovës dhe transformimit të këtij parku kombëtar që do të tejkalojë çështjet e hapura në vendosjen e menaxhimit të qëndrueshëm të vlerave natyrore të kësaj zone të mbrojtur. Ky partneritet plotëson burimet dhe kapacitetet e nevojshme për hartimin e Studimit të rivlerësimit të vlerave natyrore të zonës së mbrojtur PK Mavrovë, që do të rishqyrtojë zonimin e parkut kombëtar të krijuar me shpalljen e tij në vitin 1949, rrjedhimisht do të hartohet edhe Plani i Menaxhimit.
“Si ministre e Mjedisit Jetësor dhe Planifikimit Hapësinor, është nder dhe kënaqësi e veçantë për mua të theksoj bashkëpunimin e krijuar tashmë me partnerët tanë fondacioni Global Conservation, Shoqata Ekologjike e Maqedonisë dhe Instituti Publik Parku Kombëtar MAVROVË në procesin e rishpalljes së Mavrovës për zonë të mbrojtur në kategorinë e parkut kombëtar si obligim që rrjedh nga Ligji për Mbrojtjen e Natyrës, por edhe si nevojë reale për avancimin e zonës së mbrojtur dhe zgjidhjen e çështjeve të hapura në menaxhimin e qëndrueshëm të vlerave natyrore në park” – theksoi ministrja Shukova.
Krahas asaj që Studimi për Rivlerësimin e Vlerave Natyrore të PK Mavrovë është detyrim ligjor, ai kushtëzohet edhe nga një sërë ndryshimesh që kanë ndodhur në këtë zonë të mbrojtur nga koha e shpalljes së saj e deri më sot, që kërkon regjistrim dhe një plan të përshtatshëm menaxhimi.
Pjesë e tyre janë nominimi për Prroin e thellë në PK Mavrovë në Listën e Trashëgimisë Botërore të UNESCO-s Pyjet e ahut (pyjet shekullore) të Karpateve dhe rajoneve të tjera të Evropës”, një ndryshim dhe plotësim ekzistues dhe i miratuar i dokumentacionit urbanistik të zonës PK Mavrovë, si dhe për projekte të tjera infrastrukturore që mund të ndikojnë drejtëpërdrejtë në peizazhin dhe diversitetin biologjik, Listat e Kuqe Kombëtare dhe Draft-Listat Kombëtare të Referencës për habitatet, bimët dhe kafshët e përfshiera në Direktiven e BE-së për Habitatet dhe Zogjtë, të përfshira në Direktivën e BE-së për Zogjtë, të pranishëm në territorin e PK Mavrovë, Dosja për PK Mavrovë si zonë Emerald sipas Konventës së Bernës dhe si zonë e ardhshme Natura 2000 sipas Direktivës së BE-së për Habitatet dhe Zogjtë, rasti i hapur nga Konventa e Bernës në Këshillin Evropian për Maqedoninë e Veriut, Korridori Ekologjik: Bukoviq (Sretkovë) dhe Bukoviq (Kolari), si vazhdimësi e korridorit ekologjik ndërkufitar Mavrovë (MK) – Korab Koritnik (AL) – Mali Munela (AL), përcaktoi korridorin ekologjik të lëvizjes së kafshëve të mëdha, si dhe Memorandumi për zonën ndërkufitare ndërmjet Maqedonisë së Veriut, Shqipërisë dhe Kosovës të nënshkruar më 10.12.2022 nga tre ministrat.
Me këtë aktivitet MMJPH-ja dhe Qeveria e RMV-së bëjnë një hap të madh përpara dhe i përgjigjen rekomandimeve të Konventës së Bernës për dosjen e hapur për PK Mavrovë.
Pas nënshkrimit të Memorandumit, drejtori i Institutit Publik të Parkut Kombëtar të Mavrovës, Samir Ajdini, falënderoi të gjithë ata që ndihmuan në këtë proces që, siç tha ai, “të heqim qafe kalvarin me të cilin po luftojmë për dhjetë vjet”.
“Shpresoj që kjo të jetë një “kapsollë” fillestare për mbrojtjen e zonës sonë të mbrojtur, që zona jonë e bukur të jetë edhe më e madhe dhe punonjësit tanë të kenë një motivim edhe më të madh për punë”, ka shtuar Ajdini.
Kryetari i Shoqatës Ekologjike të Maqedonisë Shkup, Sllavço Hristovski, pas nënshkrimit të Memorandumit, shprehu kënaqësinë e tij dhe përmendi se SHEM me aktivitetin e saj hulumtues është prezente në PK Mavrovë për tridhjetë vjet dhe do të vazhdojë të ofrojë mbështetjen e saj eksperte për parkun kombëtar të Mavrovës dhe të punësuarit.
Drejtori i Konservimit Global për Evropë dhe Azi, Mustafa Genen theksoi se i ofrojnë ndihmë dhe mbështetje Ministrisë si dhe Parkut Kombëtar të Mavrovës, për të garantuar sigurinë e mjedisit jetësor.