Sot në Dojran ministrja e Mjedisit Jetësor dhe Planifikimit Hapësinor, Kaja Shukova, ministri i Bujqësisë, Pylltarisë dhe Ekonomisë së Ujërave, Ljupço Nikolovski, ministrja e Punës dhe Politikës Sociale, Jovana Trençevska, drejtori i Agjencisë së Ushqimit dhe Veterinarisë, Nikolçe Babovski dhe grupi punues punuan në finalizimin e propozim-Ligjit për dhurimin e ushqimeve të tepërta.
Puna rezultoi në një konsensus për kompetencat, sistemin dhe platformën e menaxhimit së tepricës së ushqimit dhe dhurimin e tyre për qytetarët që kanë më shumë nevojë.
Me miratimin e kësaj zgjidhjeje ligjore do të krijohet një sistem i institucionalizuar i dhurimit të ushqimit në të gjithë vendin, do të inkurajohet menaxhimi i qëndrueshëm i ushqimit në të gjitha subjektet në shoqlri, reduktimi i mbetjeve ushqimore, dhurimi i tepricave, si dhe ndërgjegjësimi i publikut për pjesëmarrjen në proceset për reduktimin e varfërisë.
Të dhënat tregojnë se në vendin tonë, çdo vit, mbi 12 mijë ton ushqime të përdorshme përfundojnë në deponi. Sipas llogaritjeve, me të mund të ushqehen afërsisht 13 mijë qytetarë, me tre vakte në ditë.
