Në prag të samitit të klimës #COP26 që do të mbahet javën e ardhshme në Glasgow, ministri Nuredini zhvilloi një takim pune me ambasadoren e Mbretërisë së Bashkuar, Rachel Galloway.
Në takim u shkëmbyen informacione për qëndrimet e vendit tonë në prag të samitit të klimës, si dhe për iniciativat të cilat i propozon Qeveria e Mbretërisë së Bashkuar në përmbushjen e qëllimit global të Marrëveshjes së Parisit. Me këtë rast, ministri Nuredini dorëzoi letrën e mbështetjes së nismës globale të Mbretërisë së Bashkuar për tranzicionin nga thëngjilli në energjinë e pastër.
