Sekretarja shtetërore në Ministrinë e Mjedisit Jetësor dhe Planifikimit Hapësinor Kaja Shukova, mori pjesë në konferencën parlamentare ndërkombëtare me temë “Bashkimi Evropian në tranzicion” që u mbajt në Cavtat, Republika e Kroacisë.
Në fjalimin e saj, Shukova theksoi se vendi ynë mbështet Marrëveshjen e Gjelbër evropiane dhe Axhendën e Gjelbër për ekonomi të qëndrueshme, përmes shndërrimit të sfidave klimatike dhe mjedisore në mundësi dhe përmes një tranzicioni të drejtë, i cili është gjithëpërfshirës për të gjithë.
– Një nga angazhimet tona qendrore është t’i vendosim politikat energjetike në Republikën e Maqedonisë së Veriut në themele të qëndrueshme afatgjata të bazuara në energji të pastër të gjelbër që të mundësohen kushte për rritje të qëndrueshme ekonomike të vendit tonë, mjedis të shëndetshëm dhe vende të reja pune. “Ligji ynë i ri i energjisë është plotësisht në përputhje me rregulloret e BE -së, si dhe me Komunitetin e energjisë, dhe mundëson realizimin e Strategjisë së re të zhvillimit të energjisë deri në vitin 2040 dhe Planit kombëtar të klimës dhe energjisë,” tha sekretarja shtetërore Shukova.
Plani i veprimit që rezulton nga Marrëveshja e gjelbër evropiane duhet të forcojë përdorimin efikas të burimeve duke kaluar në një ekonomi të pastër dhe rrethore, duke kthyer biodiversitetin dhe duke zvogëluar ndotjen. Plani përshkruan të gjitha investimet e nevojshme dhe fondet në dispozicion për financim, kështu që transformimi i gjelbër si i tillë është një iniciativë e madhe ekonomike që do të ishte realisht e paarritshme për shumë vende. Prandaj, një nga qëllimet e rëndësishme të kësaj marrëveshjeje është të sigurojë kalimin e sigurt të vendeve më të varfra nga vende shumë ndotëse në eko-qëndrueshme.
