MK – НИ 032

Индикаторот го следи количеството на вода во вештачките езера како и соодност на вкупниот волумен на вештачките езера и водата во истите.

• Количина на вода изразена во милиони m³ годишно (hm³).

Какoв е трендот на количеството на вода во вештачките езера?

Акулациите кои се земени во овој индикатор се со вкупен проектиран капацитет од 2356hm³. Во рамките на сливот на река Вардар капацитетот на акумулациите е 1343hm³, на река Црн Дрим 935hm³, а на река Струмица 78hm³.

График 1. Капацитет по сливови

График 2. Вода во акумулациите по сливови

Табела 1. Процент на исполнетост на акумулациите

Опфат на податоци: excel

Извор на податоци: Јавни претпријатија кои стопанисуваат со акумулациите

Акумулациите разгледувани во овој индикатор се поделени во три сливни подрачја, дадени подолу:

• Сливно подрачје на река Вардар ги содржи следните акумулации: Козјак, Света Петка, Тиквеш, Глажња, Липково, Калиманци, Градче, Стрежево, Прилеп, Паљурци, Мавровица, Младост, Лисиче.
• Сливно подрачје на река Црн Дрим ги содржи следните акумулации: Шпиље, Глобочица и Маврово.
• Сливно подрачје на река Струмица ги содржи следните акумулации: Турија, Водоча, Новоселска и Иловица.

Вкупниот проектиран капацитет на акумулациите во трите сливни подрачја изнесува 2356hm³. Во текот на разгледуваниот период во трите сливни подрачја се бележи намалување нарасположивата вода во акумулациите.Најголемо намалување е во сливот на река Струмица. Исполнетоста на акумулациите во ова сливно подрачје во 2021 година е намалена за 28,7% во однос на 2018 година. Вкупниот капацитет на акумулациите во сливот на Струмица е 77,9hm³.Иако намалувањето на количеството на водата во акумулаците на сливот на Струмица е процентуално најголемо, сепак се работи за најмала количинана на вода која е намалена во однос акумулациите на другите две сливни подрачја и изнесува 22,35hm³. Најмало намалување на исполнетоста на акумулациите е во сливот на Црн Дрим и изнесува 18,57%. Намалувањето на расположивата вода на акумулациите во сливот на Вардар е 20,3% и изнесува 272,77hm³.

Неповолната хидролошка состојба во разгледуваниот период оневозможува доволни количества на вода да се слеваат во акумулациите, а со тоа и неможност да се наполни максималниот капацитет на акумулациите.

• Методологија за пресметка на индикаторот

Се врши споредба на максималниот капацитет на акумулациите по сливно подрачје со средногодишниот просек на вода кој се наоѓа во истите.